სახელმწიფო დაცვის სპეციალური სამსახურის ყოფილი უფროსის წინააღმდეგ ბრალდების მხარე აღკვეთის ღონისძიების სახით 100 ათასი ლარის ოდენობით გირაოს შეფარდებას ითხოვს.

„ვფიქრობ, რომ სასამართლოზე შევძლებთ დავამტკიცოთ ის, რომ აბსოლუტურად უდანაშაულო ვარ, სამხედრო ადამიანი, რომელიც ასრულებს მთავარსარდლის განკარგულებას, სამხასური რომელიც ჩემი ხელმძღვანელობის პერიოდშიც და მანამდეც ასრულებდა იმავე განკარგულებებს, ჩვეულებრივი არგუმენტი იქნება დაცვის მხარის, შესაბამისად პროკურატურა ვერ შეძლებს მოსამართლის დარწმუნებას. ჩემს ქონებას ყადაღა აქვს დადებული, შესაბამისად 100 ათასი ლარის გადასახდელად მე დამჭირდება, რომ ეს ყადაღა ნაწილობრივ მაინც მოხსნან ჩემს ქონებაზე და ჩემი ახლობლების ქონებაზე“, - განაცხადა ჯანაშიამ.

დღეს თბილისის საქალაქო სასამართლოსთან თემურ ჯანაშიას მხარდამჭერი აქციაც იგეგმება.