დღეს 18:00 საათზე თბილისის საქალაქო სასამართლოში თემურ ჯანაშიასთვის აღმკვეთი ღონისძიების სკითხის განხილვა გაიმართება.

საქმე ეხება საბიუჯეტო თანხების ხარჯვის მიზანშეწონილობისფაქტს. საქართველოს მთავარმა პროკურატურამ საბიუჯეტო თანხების გაფლანგვის ფაქტზე, ექსპრეზიდენტს მიხეილ სააკაშვილს და სახელმწიფო დაცვის სპეციალური სამსახურის ყოფილ უფროსს თეიმურაზ ჯანაშიას ბრალი წაუყენა.

როგორც პროკურატურის მიერ გავრცელებულ განცხადებაშია აღნიშნული, მიხეილ სააკაშვილის მიერ სამსახურებრივი მდგომარეობის გამოყენებით გაფლანგულ იქნა სახელმწიფო ბიუჯეტის კუთვნილი 8 837 461 ლარი.

მიხეილ სააკაშვილის და თეიმურაზ ჯანაშიას მიმართ გამოძიება გრძელდება საქართველოს სისხლის სამართლის კოდექსის 182-ე მუხლის მე-3 ნაწილით, რაც სასჯელის სახედ და ზომად ითვალისწინებს თავისუფლების აღკვეთას 7-დან 11 წლამდე ვადით.