„ოკუპირებული ტერიტორიების შესახბე კანონში ცვლილებებს ასოცირების შეთანხმების დღისწესრიგი ითვალისწინებს“, - ამის შესახებ განცხადება პაატა ზაქარეიშვილმა „ბიბისი“-სთან ინტერვიუში გააკეთა.

სახელმწიფო მინისტრი შერიგებისა და სამოქალაქო თანასწორობის საკითხებში აცხადებს:

„მიდგომა მოქალაქეების მიმართ, რომლებიც საქართველო-რუსეთის საზღვარს აფხაზეთის მონაკვეთზე კვეთენ, მეტად ლიბერალური და ლოიალური უნდა იყოს.

იმის გამო, რომ მოქალაქეებმა, რომლებიც საზღვრის ამ მონაკვეთს კვეთენ, არ იციან, რომ ხვდებიან ოკუპირებულ ტერიტორიაზე, კანონი მათ მიმართ უფრო ლიბერალური და ლოიალური უნდა იყოს. მიმაჩნია, რომ ჯარიმა უნდა იყოს საკმარისი, რათა მათ გაიგონ, რასთან აქვთ საქმე და ქართულ კანონმდებლობას ანგარიში გაუწიონ", - განაცხადა პაატა ზაქარეიშვილმა.

სახელმწიფო მინისტრმა იმედი გამოთქვა, რომ კანონპროექტი შემოდგომაზე იქნება მიღებული.

"მითუმეტეს, რომ ჩვენ ავიღეთ ვალდებულება ევროკავშირის წინაშე, ასოცირების შესახებ შეთანხმების რეალიზაციის პროცესში. იქ დღის წესრიგში მკაფიოდ არის მითითებული, რომ საქართველომ უნდა შეცვალოს ოკუპირებული ტერიტორიების შესახებ კანონი სწორედ ამ მიმართულებით.“