კობზონის მოპატიჟება არ დაგავიწყდეთ ამ გამალებულ აღმშენებლობაში

კობზონის მოპატიჟება არ დაგავიწყდეთ ამ გამალებულ აღმშენებლობაში - გრიგოლ ვაშაძე

სოც.მედია - 20:15, 21 Aug, 2014

2987

საგარეო საქმეთა მინისტრს გრიგოლ ვაშაძეს NATO-ს გენერალური მდივნის და სარდალ ბრიიდლავის სტატიიდან ციტატა მოჰყავს და მიანიშნებს, რომ ეს პოლიტიკოსის და სამხედროს მხრიდან არა გულმავიწყობა, არამედ, მისი თქმით, ხელისუფლების დაბალანსებული საგარეო პოლიტიკის დიაგნოზია.

"პირველად II მსოფლიო ომის დამთავრების შემდეგ ერთმა ევროპულმა ქვეყანამ ძალისმიერი გზით მიითვისა მეორე ევროპული ქვეყნის მიწა", - უკრაინაზე დაწერილ სტატიაში განაცხადეს NATO-ს გენერალურმა მდივანმა რასმუსენმა და სარდალმა ბრიიდლავმა.

იკითხავთ: "საქართველო? ჩვენი სუვერენული ტერიტორიის 20% რუსეთის მიერ არ არის ოკუპირებული 90-ანი წლების დასაწყისიდან? იქ სასტიკი ეთნოწმენდა არ არის ჩატარებული რუსეთის საოკუპაციო ჯარების მიერ? თუ საქართველო ევროპული ქვეყანა არ არის?"

ეს ძალიან გამოცდილი პოლიტიკოსის და გამოცდილი სამხედროს შეცდომა ან გულმავიწყობა არ გეგონოთ.

ეს ხელისუფლების "დაბალანსებული" საგარეო პოლიტიკის დიაგნოზია, თუ განაჩენი არა.

ასეა: არ ახსენებ - არ გახსენებენ. ან დასავლეთთან და უკრაინასთან გულწრფელი მოკავშირეობა, ან გრიშა ლეპსი და ერგნეთის ბაზრობა.

P. S. კობზონის მოპატიჟება არ დაგავიწყდეთ ამ გამალებულ აღმშენებლობაში“, - წერს გრიგოლ ვაშაძე ,,ფეისბუქის“ გვერდზე.