შეგეძლო გამოგეწვია სააკაშვილი... ცივი წყლის გადასხმა ეხლა მას არ აწყენდა

შეგეძლო გამოგეწვია სააკაშვილი... ცივი წყლის გადასხმა ეხლა მას არ აწყენდა - ლაზაშვილი ჟორჟოლიანს

სოც.მედია - 16:09, 21 Aug, 2014

9835

,,რუსთავი 2“-ის ყოფილმა ტელეწამყვანმა ნათია ლაზაშვილმა ნანუკა ჟორჟოლიანის იმ პოსტს უპასუხა, სადაც ჟურნალისტი იწონებს პრემერ ღარიბაშვილის გამოხმაურებას საქველმოქმედო აქციაზე და თუმცა იქვე მიუთითებს, რომ ,,ცუდია რომ მას არ აუხსნეს კარგად აქციის მიზანი. და არც წყალს გადავისხამო:) აჩვენეთ ბუში, კლინტონი, მსოფლიო ვარსკვლავები და აუხსნან პიარშიკებმა რომ არ ტეხავს! ფულს რაში იღებენ".

,,ნანუკა ჩემო კარგო როგორც ჩანს არ გესმის ამ კამპანიის არსი, ეს არის ქველმოქმედების და ადამიანებს შორის სოლიდარობის კამპანია, რომელიც ე.წ ვირუსლი ფორმით ვრცელდება და ამიტომაც სხვადასხვა ფორმებს იძენს. ვედროთი წყლის გადასხმა ამ აქციის აუცილებელი პირობა არაა, ისევე როგორც არც ნოტარიუსთან დამტკიცებული წესები არ დაუდგენია ვინმეს. აქ მთავარი ის კი არ არის, ვის გადაურიცხავ თანხას, არამედ ის, რომ დაეხმარო მათ ვისაც ყველაზე მეტად უჭირს.

საქართველოს პრემიერ მინისტრი დაასახელეს და გამოიწვიეს არა აშშ-ში, არამედ საქართველოში, რომლებიც თანხას ერთი-ერთი კონკრეტული საქველმოქმედო საიტისთვის რიცხავენ.

იმის გამო, რომ ირაკლი ღარიბაშვილი არის ქვეყნის მოქმედი პრემიერ მინისტრი, რომლის ინიციატივაც არის “სოლიდარობის ფონდი” (და ეს არ არის მისი საკუთარი ფონდი) რომელსაც დღეს არსებულ ფონდებს შორის, ყველაზე მეტი პოტენციალი აქვს რომ რეალურად დაეხმაროს ძალიან ბევრ ადამიანს, მათ შორის იმ დიაგნოზის მქონე ადამიანებს, ვისთვისაც ეს კამპანია დაიწყო, მან გადაწყვიტა სწორედ ასეთი მასშტაბის ფონდს დაეხმაროს, რადგან რაც უფრო მეტი ადამიანი ჩაერთვება მასში, მით უფრო მეტი გაჭირვებულის დახმარებას შევძლებთ ყველა, მათ შორის მათთაც ვისაც ცალკეული ფონდები დიდი ძალისხმევის მიუხედავად ხან ეხმარებიან და ხან ვერა. აქ მთავარია ადამიანების რეალური დახმარება, სიკეთის კეთება და სიკეთის კეთების სურვილის გაღვივება ადამიანებში, არა აქვს მნიშვნელობა პოპულარიზაციის რა ფორმას აირჩევ ამისთვის. მთავარი არ არის “შოუ” დადგმა!

შენ ხომ არავინ მოგთხოვა გადარიცხვის ფურცელი ან რამდენი გადარიცხე და სად გადარიცხე? ან გეყარა თუ არა ყინულები ვედროში? ასეთ კითხვებს და ასეთ პრეტენზიებს ასეთ კამპანიებში არ აყენებენ. ყველა თვითონ ირჩევს თავის გზას. ასე, რომ შენც გირჩევ “მადლი ქენი ქვაზე დადე, გაიარე და წინ დაგხვდება”.

P.S. ცნობისათვის ბარაკ ობამამაც ფული გადარიცხა და წყალი არ გადაუსხია. წყალი გადაისხა ყოფილმა პრეზიდენტმა ბუშმა, შეგეძლო გამოგეწვია ექს-პრეზიდენტი სააკაშვილი, მითუმეტეს რომ ცივი წყლის გადასხმა ეხლა მას არ აწყენდა“, - წერს ნათია ლაზაშვილი ნანუკა ჟორჟოლიანს.