მერიის ქვემდებარე ორგანიზაციების საქმიანობის შესწავლა საგამოძიებო უწყებას დავით ნარმანიამ დაავალა. ამის შესახებ განცხადება თავად თბილისის მერმა გააკეთა:

“მერიის სისტემა წლების განმავლობაში იყო დახურული, საზოგადოებას აქვს ბევრი კითხვა. წინასაარჩევნო პერიოდში, მოქალაქეები მომმართავდნენ და მთხოვდნენ, რომ ნათელი მომეფინა ამ საკითხებისთვის. გარდა ამისა, როდესაც ცალკეული ორგანიზაციების პირველადი დოკუმენტაცია ვნახეთ, ამით დასტურდება, რომ გაუაზრებლად მაღალი შრომის ანაზღაურება, პრემიები გაიცემოდა, მათ შორის იმ ადამიანებზე, რომლებიც პრაქტიკულად აღარ მუშაობდნენ და აღარ საქმიანობდნენ ამ ორგანიზაციებში.

ხდებოდა ისეთი ხარჯების გაწევა, რომელიც ჩვენი აზრით, არამიზნობრივია და როცა ასეთი ტიპის ხარჯების გაწევა ხდება, რასაკვირველია, მცირდება კომპანიის მოგება და კომპანიას სჭირდება მეტი დოტაცია ბიუჯეტიდან, რაც საბიუჯეტო ხარჯების გაუაზრებლად და სხვა მიმართულებით ხარჯვას უწყობდა ხელს. ყველა ეს საკითხი უნდა იქნას შესწავლილი”, - განაცხადა ნარმანიამ.