მოსაზრება, რომ ბაქრაძეს უკანონო შემოსავალი აქვს არის აბსურდი

მოსაზრება, რომ ბაქრაძეს უკანონო შემოსავალი აქვს არის აბსურდი - გაბაშვილი

პოლიტიკა - 18:50, 20 Aug, 2014

1590

პარლამენტის ყოფილი თავმჯდომარის დავით ბაქრაძის საბანკო ანგარიშების თემასთან დაკავშირებით, განცხადება გაკეთდა „ერთიან ნაციონალურ მოძრაობაში“.

საპარლამენტო უმცირესობის წევრი გოკა გაბაშვილი აცხადებს, რომ აღნიშნულ საბანკო ანგარიშებში აღრიცხულია უძრავი ქონების გაყიდვიდან შემოსული თანხა.

„საუბარი იმასთან დაკავშირებით, რომ რაიმე სახის უკანონო შემოსავალი აქვს დავით ბაქარაძეს არის აბსურდი, ჩემს ხელთ არის ხელშეკრულება, რომელიც დავით ბაქარძემ მოგვაწოდა, ეს არის ფული, რომელიც გადახდილია შვეიცარიის მთავრობის მიერ. შვეიცარიის ახალი საელჩოს შენობა არის ნაყიდი მისი ოჯახისგან და ეს არის ის ფული, სანოტაროდ დამოწმებული აქტი. ხელშეკრულება, რომელიც ამაში არის გადახდილი, ეს ჩვეულებრივი ამბავია, ეს არის უძრავი ქონების გაყიდვიდან შემოსული, ხელისუფლებამ იმდენად იჩქარა, სუსი უკვე უხეშად მოქმედებს ოპოზიციის დევნაში, რომ ვერც კი მიხვდნენ ისე წარმოაჩინეს მთელი თავისი მეთოდები, კერძოდ ეს არის პირადი მიმოწერა კერძო კლიენტისა ბანკთან, რომელიც მათ მიერ ფოსტაში იქნა ამოღებული, გახსნილი და მიწოდებული მათი ხელქვეითებისთვის, რომ შემდეგ გავრცელებულიყო ინტერნეტის საშულებით“, - განაცხადა გოკა გაბაშვილმა.