მიხეილ სააკაშვილის საპრეზიდენტო ბიბლიოთეკის განვითარებისა და საზოგადოებასთან ურთიერთობის მენეჯერს ლანა ღვინჯილიას ექსპრეზიდენტის პიჯაკები უკან დაუბრუნეს.

ამის შესახებ ინფორმაცია „ნიუპოსტს“ შინაგან საქმეთა სამინისტროში დაუდასტურეს. როგორც უწყებაში განმარტავენ, ნივთები ღვინჯილიას მამამ, შვილის იურიდიულ მისამართზე ჩაიბარა.

გუშინ, ექსპრეზიდენტის დავალებით ლანა ღვინჯილიამ სააკაშვილის დავალებით საბიუჯეტო სახსრებით ნაყიდი პიჯაკები და ქაშმირის პალტო მთავრობის ადმინისტრაციაში მიიტანა. საშვთა ბიუროში ნივთების ჩაბარება არ მოხერხდა. ღვინჯილიას მიერ პატრულის გამოძახების შემდეგ ნივთები საპატრულო პოლიციამ გადაიბარა.