"არც პრეზიდენტის და არც უშიშროების საბჭოს უფლებამოსილების შეზღუდვა არ ხდება" ,- ამის შესახებ სახელმწიფოს უსაფრთხოებისა და კრიზისების მართვის საბჭოს წარმომადგენელმა გიორგი ტიელიძემ განაცხადა.

მისივე განმარტებით, 2013 წელს ამოქმედებული ახალი საკონსტიტუციო მოდელის თანახმად უფლებამოსილებები პრეზდენტსა და მთავრობას შორის ახლებურად გადანაწილდა.

„უფლებამოსილებათა დიდი ნაწილი, მათ შორის ეროვნულ უსაფრთხოებასთან დაკავშირებული კომპეტენციების აბსოლუტური უმრავლესობა მთლიანდ გადავიდა საქართველოს მთავრობის დაქვემდებარებაში და რაც შეეხება ეროვნული უშიშროების საბჭოს, საქართველოს კონსტიტუციის 99-ე მუხლის თანახმად, მას დარჩა კომპეტენცია მხოლოდ სამხედრო აღმშენებლობისა და ქვეყნის თავდაცვის ორგანიზაციის სფეროში“,- განაცხადა გიორგი ტიელიძემ.