ექსპერტი ლევან ალაფიშვილი დღეს, გამართულ უშიშროების საბჭოს სხდომას გამოეხმუარა.

ალაფიშვილის განცხადებით, უშიშროების საბჭო არის ერთადერთი კონსტიტუციური ორგანო, რომელიც ინსტიტუციურად უზრუნველყოფს, პრეიზიდენტის, როგორც სახელმწიფოს მეთაურის და როგორც სამხედრო ძალების მთავარსარდლის კომუნიკაციას საკანონმდებლო და აღმასრულებელ ხელისუფლებებთან.

„სხვა მას ესეთი არ აქვს, შესაბამისად ამ კონტექსტში ძალიან მნიშვნელოვანია პრეზიდენტის მეორე ინიციატივა, რომელიც გულისხმობს უშიშროების საბჭოს და პრეზიდენტის ჩართულობას ქვეყნისათვის, მისი უსაფრთხოებისათვის უმნიშვნელოვანესი დოკუმენტების შემუშავების პროცესში“,- განაცხადა ალაფიშვილმა.

საქართველოს პრეზიდენტმა გიორგი მარგველაშვილმა დღეს საკანონმდებლო ორგანოს წარმომადგენლებს, დიპლომატიური კორპუსის წევრებს და ექსპერტებს ეროვნული უშიშროების საბჭოს შესახებ მისეული ხედვა გააცნო.

მარგველაშვილი უშიშროების საბჭოს მუდმივმოქმედ წევრთა შემადგენლობის გაფართოების ინიციატივით გამოდის, პრეზიდენტი მიიჩნევს, რომ საბჭოში სამი სახელისუფლო ინსტიტუტის - პრეზიდენტის, მთავრობისა და პარლამენტის - წარმომადგენლობა უნდა შევიდეს.