საპარლამენტო უმცირესობის წევრი პავლე კუბლაშვილი დღეს გამართულ უშიშროების საბჭოს სხდომას გამოეხმუარა.

„მთავრობაში სამწუხაროდ ძალიან ხშირად ხდება ინიციატივები, რომელიც გულისხმობს პრეზიდნტის კონკრეტული უფლებამოსილების გადატანას პრემიერის ან მთავრობის, ან რომელიმე მინისტრის კომპეტენციაში, ეს არის დღეს პრობლემა, ინსტუტიციურ ბრძოლასთან გვაქვს საქმე, ამიტომ ამ საკითხებია მთავარი ყურდღების გამახვილება, მე იმედი მაქვს რომ ის ცვლილებები, რომელიც თავდაცვის კანონს ეხება, არ იქნება იმ ფორმით მიღებული ყოველ შემთხვევაში რა ფორმითაც არის წარმოდგენილი“,- აღნიშნა კუბლაშვილმა.

საქართველოს პრეზიდენტმა გიორგი მარგველაშვილმა დღეს საკანონმდებლო ორგანოს წარმომადგენლებს, დიპლომატიური კორპუსის წევრებს და ექსპერტებს ეროვნული უშიშროების საბჭოს შესახებ მისეული ხედვა გააცნო.

მარგველაშვილი უშიშროების საბჭოს მუდმივმოქმედ წევრთა შემადგენლობის გაფართოების ინიციატივით გამოდის, პრეზიდენტი მიიჩნევს, რომ საბჭოში სამი სახელისუფლო ინსტიტუტის - პრეზიდენტის, მთავრობისა და პარლამენტის - წარმომადგენლობა უნდა შევიდეს.