პარლამენტის უშიშროებისა და თავდაცვის კომიტეტის თავმჯდომარე ირაკლი სესიაშვილი საქართველოს პრეზიდენტსა და პრემიერს შორის წარმოქმნილ უთანხმოებას აბსურდულს და არარეალურს უწოდებს.

„ის მოდელი, რომელიც არის დღევანდელ კონსტიტუციაში, არის ძალიან ბუნდოვანი თავდაცვის და უსაფრთხოების საკითხებთან დაკავშირებით პრეზიდენტსა და მთავრობის ფუნქციებთან მიმართებაში, ამიტომ ჩვენ გვიწევს ამაზე მსჯელობა, მთავრობასა და პრეზდენტს შორის მე ვერ ვხედავ ვერანაირ უთანხოებას და ის აჟიტირება, რასაც ადგილი ჰქონდა ბოლო დღეების განმავლობაში, თითქოსდა გარკვეული ფუქციების შეზღუდვებთან დაკავშირებით არის აბსოლუტურად არარეალური და აბსურდულიც, ამიტომ მიმდინარეობს მუშა პროცესი იმისათვის, რომ კონსტიტუციასთან შესაბამისაობაში მოვიდეს ყველა კანონმდებლობა განსაკუთრებით თავდაცვისა და უსაფრთხოების საკითხებთან დაკავშირებით“,- აღნიშნა ირაკლი სესიაშვილმა.

საქართველოს პრეზიდენტმა უშიშროების საბჭოს ახალი კონცეფცია დღეს წარადგინა. საკუთარი ხედვა გიორგი მარგველაშვილმა დეპუტატებს, არასამთავრობოებს, კონსტიტუციონალისტებს და დიპლომატებს გააცნო. გიორგი მარგველაშვილი ფიქრობს, რომ შესაძლოა უშიშროების საბჭოს წევრთა რაოდენობა გაიზარდოს.