მთავრობის კანცელარიაში მიხეილ სააკაშვილის პიჯაკები არ დაიტოვეს. საშვთა ბიუროში გზავნილის მიღებაზე უარი განაცხადეს. შედეგად სიტყვიერი დაპირისპირება მოხდა, მიხეილო სააკაშვილის პიჯაკები შესაძლოა კიდევ ერთი სამართლებრივი დავის საგანი გახდეს.

მთავრობის კანცელარიაში საპატრულო პოლიციის ჯგუფები იქნა გამოძახებული. პიჯაკების მიღების უარის მიუხედავად, კურიერმა და საპრეზიდენტო ბიბლიოთეკის თანამშრომელმა ლანა ღვინჯილიამ პიჯაკები კანცელარიაში დატოვეს. ამის გამო ღვინჯილიას კანცელარიის ტერიტორიის დატოვების უფლებას არ აძლევდნენ, მოხდა სიტყვიერი დაპირისპირება , ეს ფაქტი ლანა ღვინჯილიამ გააპროტესტა და საპატრულო პოლიცია გამოიძახა.

ღვინჯილია აცხადებს, რომ მას უკანონოდ აღუკვეთეს თავისუფლება, შეეხნენ ხელით და სიტყვიერი შეურაცხყოფაც მიაყენეს. საქმეზე გამოძიება დაიწყება. ღვინჯილიას განცხადებით ის სამართლებრივ ბრძოლას განაგრძობს.