რიჩარდ ნორლანდი ირაკლი ღარიბაშვილის მიერ საქართველოს მეგობარი ქვეყნების მისამართით გაკეთებულ განცხადებას ეხმაურება. ამერიკის ელჩის განცხადებით საქართველოს ჰყავს მეგობრები და მათ შორის ერთერთი ამერიკის შეერთებული შტატებია.

ელჩი ყოფილი პრეზიდენტის წინააღმდეგ დაწყებულ გამოძიებასაც ეხმაურება:

„საქართველოს ნამდვილად მრავალი მეგობარი ჰყავს, შეერთებული შტატები ერთერთი მათგანია, ჩვენი მიზანია საქართველოში იყოს მომავალზე ორიენტირებული დღის წესრიგი, რაც შეეხება ყოფილ პრეზიდენტთან დაკავშრებულ მოვლენებს, გაგახსენებთ 29 ივლისს გაკეთებულ განცხადებას, სადაც აღნიშნულია, რომ ჩვენ ვაკვირდებით მოვლენებს და ვთხოვთ საქართველოს ხელისუფლებას, რომ უზრუნველყონ მაღალი ხარისხის მართლმსაჯულების პროცესი და საქმის წარმართვა“, - განაცხადა რიჩარდ ნორლანდმა.