დევნილთა და განსახლების მინისტრმა სოზარ სუბარმა და ჯანდაცვის მინისტრის მოადგილემ ზაზა სოფრომაძემ, ექვს სამედიცინო კლინიკასთან ურთიერთთანამშრომლობის მემორანდუმი გააფორმეს.

დოკუმენტის ფარგლებში კლინიკები დევნილებს უფასო სამედიცინო გამოკვლევებს და გადაუდებელი აუცილებლობის შემთხვევაში ქირურგიულ ოპერაციებს ჩაუტარებენ.

„დღეს ექვსი სხვადასხვა წამყვანი კლინიკის ექიმები შეხვდნენ დევნილებს, ჩაუტარეს შემოწმებები, გარკვეული სამედიცინო დახმარებები გაუწიეს, გამოიკვლიეს. მთავარი ის არის, რომ ეს არ დაწყებულა დღეს, ძალიან დიდიხანია ეს თანამშრომლობა ხდება“, - განაცხადა სოზარ სუბარმა.