2013 წლის პირველი იანვრიდან 2014 წლის 8 ივლისამდე საქართველოს ყოფილი და მოქმედი პრემიერმინისტრების სამივლინებო ხარჯების კვლევის შედეგები - ბიძინა ივანიშვილისა და ირაკლი ღარიბაშვილის სამივლინებო ხარჯებმა 155 825 ლარი შეადგინეს.

ინფრომაცია ამის შესახებ IDFI ავრცელებს. მონაცემების მიხედვით ბიძინა ივანიშვილის სამივლინებო ხარჯები 19 613 ლარი, მათ შორი დღიური 6 899, სასტუმრო კი 12 714 ლარი იყო.

ირაკლი ღარიბაშვილის სამივლინებო 136 212 ლარიდან, დღიური 14 886, სასტუმრო 98 004, გზა კი 23 332 ლარი იყო.

ამავე კვლევის თანახმად, ბიძინა ივანიშვილის ყველაზე ძვირადღირებული ვიზიტი განხორციელდა საფრანგეთში 7 758 ლარი, ირაკლი ღარიბაშვილის კი ამერიკის შეერთებულ შტატებში 43 817 ლარი.