სასჯელაღსრულებისა და პრობაციის მინისტრი, გიორგი მღებრიშვილი არასრულწლოვანთა N11 სარეაბილიტაციო დაწესებულებას ეწვია.

მინისტრმა დაწესებულების ინფრასტრუქტურა დაათვალიერა, დაწესებულებაში მიმდინარე ყოველდღიურ საგანმანათლებლო და სპორტულ აქტივობებს დაესწრო, პირისპირ შეხვდა არასრულწლოვან მსჯავრდებულებს, შთაბეჭდილებები გაუზიარა, მათისურვილებითა და საჭიროებებით დაინტერესდა და დახმარებას დაპირდა.

გიორგი მღებრიშვილმა აქტიურ მსჯავრდებულებს რეაბილიტაციის პროცესში წარმატებული თანამშრომლობისთვის მადლობა გადაუხადა და დაპირდა, რომ ახალი სარეაბილიტაციო პროგრამების დაგეგმვისას მაქსიმალურად გაითვალისწინებენ მათ რჩევებსა და საჭიროებებს. მინისტრმა პირადად შესთავაზა მსჯავრდებულებს გათავისუფლებამდე ტატუს მოშორება და წარსულის დამღისგან გათავისუფლება, რასაც მოზარდების ენთუზიაზმით შეხვდა.

მინისტრის განცხადებით, არასრულწლოვანთა სპეციალური დაწესებულების სარეაბილიტაციო დაწესებულებად გარდაქმნა, მათთან მუშაობის ახლებური მიდგომები და გაძლიერებული სარეაბილიტაციო პროგრამები, სასჯელის ინდივიდუალური დაგეგმვა ნათლად ასახავს სახელმწიფოს დამოკიდებულებას არასრულწლოვან მსჯავრდებულთა მიმართ.

„ჩვენ განსაკუთრებული ყურადღებითა და პასუხისმგებლობით ვუდგებით არასრულწლოვან მსჯავრდებულებთან ურთიერთობას. პირადად ჩემთვის, თითოეული მათგანის წარმატებული რესოციალიზაცია-რეაბილიტაცია განსაკუთრებით მნიშვნელოვანია, რადგან ვიცი, რომ ეს ბიჭები ქვეყნის მომავალს წარმოადგენენ და მათი ხელშეწყობით ჩვენ საქართველოს ვეხმარებით.“ - აღნიშნა გიორგი მღებრიშვილმა.

შეგახსენებთ, რომ, 2014 წლის მაისში ამოქმედებული საკანონმდებლო ცვლილებების თანახმად, არასრულწლოვანთა სპეციალური დაწესებულება სარეაბილიტაციო დაწესებულებად ტრანსფორმირდა და შესაბამისად, არასრულწლოვანთათვის გაიზარდა სატელეფონოსაუბრების, ხანმოკლე, ხანგრძლივიდავიდეოპაემნის რაოდენობა, გაფართოვდა წახალისებისფორმები, კერძოდ, მათშეუძლიათ ამანათითანფოსტითმიიღონისეთინივთები, რომელთაქონისუფლებაცმსჯავრდებულსთავისუფლებისაღკვეთისდაწესებულებაშიჩვეულებრივარაქვს, თუმცააკრძალულიც არ არის. არასრულწლოვან მსჯავრდებულებს, ასევე წახალისების ფორმით, კომპიუტერულითამაშებითსარგებლობის უფლებაც მიეცათ.