„ახალგაზრდა ადვოკატები“ დავით ნარმანიას „გრიფით საიდუმლო“ საქმეების გასაჯაროებას სთხოვენ

პოლიტიკა - 14:16, 15 Aug, 2014

1746

ორგანიზაცია „ახალგაზრდა ადვოკატები“, საქართველოს მთავრობას მიმართავს, მაღალი საზოგადოებრივი ინტერესიდან გამომდინარე, 2003-2012 წლების მმართველობის პერიოდში „გრიფით საიდუმლო“ საქმეები გადაიხედოს და ინფორმაცია, რომელიც არ წარმოადგენს სახელმწიფო საიდუმლოებას, ცნობილი გახდეს საზოგადოებისთვის.

„ახალგაზრდა ადვოკატები“ „გრიფით საიდუმლო“ დოკუმენტების გასაჯაროების საკითხით, თბილისის ახალ მერს, დავით ნარმანიასაც მიმართავს. „ახალგაზრდა ადვოკატები“ ვარაუდობენ, რომ 2004-2014 წლებში, თბილისის მერიამ არაერთ დოკუმენტს საიდუმლო გრიფი ფინანსური დარღვევების დასაფარად დაადო. ორგანიზაცია განსაკუთრებულ ყურადღებას დაუთმობს ხელშეკრულებებს კომპანიებთან „სი თი პარკთან“ და „თბილისის მიკროავტობუსთან“. ამასთან, მნიშვნელოვანია გადაიხედოს ყველა დოკუმენტი, რომელსაც 2004-2014 წლებში, დედაქალაქის ყოფილი მთავრობის პერიოდში, საიდუმლო დოკუმენტად ჩაითვალა და დადგინდეს მათი საიდუმლოდ მიჩნევის რეალური საფუძვლები.

„ახალგაზრდა ადვოკატები“ განმარტავენ, რომ საიდუმლო გრიფი, მხოლოდ იმ ინფორმაციას უნდა ჰქონდეს დადებული, რომელიც ქვეყნის უსაფრთხოებიდან გამომდინარეობს.