მე აქ მეტროთი დავდივარ

მე აქ მეტროთი დავდივარ - სააკაშვილი

პოლიტიკა - 21:26, 14 Aug, 2014

2003

ექსპრეზიდენტმა მისთვის მეორე ბრალის წაყენებასთან დაკავშირებით ,,რუსთავი 2“-ის ეთერში ისაუბრა, მისი თქმით, ხარჯები დოკუმენტურად იქნა ახალი მთავრობისთის მიწოდებული, რომელიც სააკაშვილის თქმით, ივანიშვილმა ,,თავის სეიფში ჩაკეტა“.

,,ამის შემდეგ ორი ყალბი რაღაც გამოაგდეს - ერთი ბოტოქსი, მეორე საჯაიას და ბოკუჩავას საჩუქრები, რომელებიც მათ არ მიუღიათ. მე არაერთხელ ვუთხარი მთავრობას, გაასაჯაროვეთ დროზე, იმისთვის, რომ ამას ყველაფერს უამრავი სისულელე არ დაემატოს. ვთქვი, რომ ამაში დასამალი არაფერი არ არის“, - განაცხადა სააკაშვილმა.

ექსპრეზიდენტმა პერუს ვიზიტზეც ისაუბრა და აღნიშნა, რომ ეს ვიზიტი პერუს მხრიდან აფხაზეთის და ოსეთის არაღიარებას ეხებოდა.

,,თქვენ გგონიათ მე მეხალისებოდა პერუში ჩასვლა? პერუს ახლადარჩეულმა პრეზიდენტმა განაცხადა, რომ აპირებდა აფხაზეთის და ოსეთის დამოუკიდებლობის აღიარებას, სწორედ ამიტომ ჩავედი. ამ სამარცხვინოებმა ისიც გამოაქვეყნეს, რომ რამდენიმე მაღალ ჩინოსანს ჩვენ გადავეცით ფასიანი საჩუქრები, ისინიც აღიარებდნენ აღიარებას, რატომ არ უნდა გადაგვეცა? კორუმპირებული ვგონივარ ივანშვილს, კორუმპირებული არ ვარ, მე აქ დავდივარ მეტროთი, მე არაფერი მომმატებია, მაგრამ ქვეყნის ბიუჯეტი გაიზარდა თერთმეტჯერ“, - განაცხადა სააკაშვილმა.