მეორე ბრალი ეხება ყაჩაღ გელაშვილს, რომელთანაც მე არაფერი მესაქმება

მეორე ბრალი ეხება ყაჩაღ გელაშვილს, რომელთანაც მე არაფერი მესაქმება - მიხეილ სააკაშვილი

პოლიტიკა - 21:18, 14 Aug, 2014

2048

ბოლო დროს საქართველოს მთავრობა ეპისტოლარულ როლში გადავიდა. ეს ყველაფერი სამარცხვინოა და სამწუხაროდ ზიანს აყენებს საქართველოს რეპუტაციას, - საქართველოს ექსპრეზიდენტმა მისთვის მეორე ბრალის წაყენებასთან დაკავშირებით ,,რუსთავი 2“-ის პირდაპირ ეთერში ისაუბრა.

სააკაშვილმა ვალერი გელაშვილს ყაჩაღი და კრიმინალი უწოდა.

„ეს ბრალი წამოაყენეს იმის გამო, რომ პირველი ორი ბრალი, რომელიც იყო წმინდა პოლიტიკური ბრალი, მეორე საერთოდ გაუგებარი იყო, ყაჩაღი გელაშვილის, მაგრამ მე მასთან არაფერი არ მესაქმება გარდა იმისა, რომ ეგ ყაჩაღი და კრიმინალია და ეს ყველამ იცის, ეს ყველამ აღიქვა აბსოლუტურად არასერიოზულად და პოლიტიკურ დევნად, როცა ამდენი წელი ივანშვილი იძახდა, რომ სააკაშვილმა 19 მილიარდი წაიღოო, ამ კაცმა დაიჯერა თავისივე ნათქვამი, ამის შემდეგ იმის თქმა, რომ სააკაშილმა 8 მილიონი წაიღოო.

მე არ მახსოვს ლანძღვა-გინებითი მიმოწერა გვქონოდა ამერიკის სენატორებთან, „ვაშინგტონ პოსტთან“, შევარდნაძის დროსაც კი. ეს ყველაფერი მარაზმში გადადის. ბოლო დროს საქართველოს მთავრობა ეპისტოლარულ როლში გადავიდა. ეს ყველაფერი სამარცხვინოა და სამწუხაროდ ზიანს აყენებს საქართველოს რეპუტაციას“, - განაცხადა სააკაშვილმა.