თბილისში, მოსაშვილის 3 ნომერში დღეს ხმაური იყო, სადაც სამშენებლო კომპანია „ჭავჭავაძე 64“ მრავალფუნქციურ კომპლექსს აშენებს.

ინციდენტი ადგილობრივების უკმაყოფილებამ გამოიწვია, რომლებიც სამშენებლო კომპანიის თანამშრომლებს დაუპირისპირდნენ.

ადგილობრივების მტკიცებით, ბიზნესმენ ლაშა პაპაშვილის კუთვნილი კომპანია, ამხანაგობის კუთვნილ ფართს ითვისებს. მოსახლეობა აცხადებს, რომ ამავე ქუჩაზე ირაკლი ღარიბაშვილი ცხოვრობს და იგი შესაბამისად არ რეაგირებს უკანონო მშენებლობაზე და მოსახლეობის უფლებების დარღვევაზე. მათ ეჭვი აქვთ რომ მიმდინარე მშენებლობის უკან პრემიერმინისტრის ინტერესები დგას.

ადგილობრივები დავით ნარმანიას მოუწოდებენ გაიხსენოს წინასაარჩევნო დაპირება და უკანონო მშენებლობების წინააღმდეგ შესაბამისი რეაგირება მოახდინოს.