„ნაციონალური მოძრაობის“ წევრი ნუგზარ წიკლაური ტელეკომპანია „იმედს“ პირადი ფოტოსურათის მოპარვისა და გასაჯაროვების გამო საყვედურობს. „ქრონიკასთან“ საუბარში წიკლაური დაინტერესდა როგორ მოხვდა მათთან ფოტო, რომელიც მხოლოდ მის პირად კომპიუტერში ინახებოდა.

„მე მაქვს თქვენს ტელევიზიასთან სერიოზული პრობლემა. ფოტო, რომელიც გავრცელდა, არც ერთ სახელმწიფო ვიზიტთან კავშირში არ არის და ეს არის სრულიად სხვა ფოტო. ეს არის ჩემი ოჯახური ფოტო, რომელიც ინახებოდა ჩემს პირად კომპიუტერში. მაინტერესებს როგორ მოხვდა ის თქვენთან“, - განაცხადა წიკლაურმა.