„პროკურატურას ექს-პრეზიდენტთან ლეგიტიმური კითხვები აქვს და მიხეილ სააკაშვილს მოუწევს პასუხის გაცემა თუ რატომ ხარჯავდა ხალხის ჯიბიდან ამოღებულ თანხებს“, - ამის შესახებ იუსტიციის მინისტრმა თეა წულუკიანმა მიხეილ სააკაშვილის ახალი ბრალის კომენტირებისას განაცხადა.

„მეუხერხულება, რომ დავწვრილმანდე და ხაზი გავუსვა იმ ხარჯებს და ხარჯების მიზნებს, რაც გაწეულია ყოფილი პრეზიდენტისა და სხვა მაღალჩინოსნების მიერ, ფარული გრიფის ქვეშ. სირცხვილია, თუკი დადგინდა, რომ ეს ასეა. პროკურატურამ ჩათვალა, რომ ბრალის წაყენებისთვის საკმარისი მტკიცებულებები არსებობს, გრიფი მოხსნილია კანონით დადგენილი წესით და ახლა უკვე ყველამ სასამართლოს წინაშე უნდა იმართლოს თავი და ხალხს აუხსნან, რატომ გასწიეს საკუთარი ინტერესებისა და მეგობრებისთვის ხალხის ჯიბიდან ამოღებული თანხები", - განუცხადა ჟურნალისტებს თეა წულუკიანმა.