ტრადიციული შეწყალება მარიამობისთვის აღარ იქნება. აღნიშნულის მიზეზად ზვიად ქორიძე სამი კვირის წინ პრეზიდენტის მიერ, საკმაოდ მასშტაბურ 280 მსჯავრდებულის შეწყალებას ასახელებს.

კომისიის თავმჯდომარის თქმით ივლისის ბოლოს საპატიმროები 169 მსჯავდებულმა დატოვა, დანარჩენებს კი სასჯელი შეუმსუბუქდათ. ამ ეტაპზე უცნობია კონკრეტული დრო თუ როდის მოხდება პატიმართა მორიგი შეწყალება.

„31 ივლისს გამოაცხადა პრეზიდენტმა შეწყალების აქტი, ეს საკმაოდ უპრეცედენტო შეწყალება იყო, ძალაინ ბევრი მსჯავრდებული შეიწყალა, 280 ადამიანი, აქედან 169-მ დატოვა იმ დღესვე საპატიმრო დაწესებულებები, რა თქმა უნდა ასეთი შეწყალების აქტის შემდგომ სამ-ოთხ კვირაში მორიგი შეწყალება არაადეკვატური იქნებოდა“, - განაცხადა ზვიად ქორიძემ.

მისივე თქმით, პრეზიდენტის ადმინისტრაციაში განაცხადები ჩვეულ რეჟიმში შედის, მაგრამ თუ როდის მოხდება პატიმართა მორიგი შეწყალება ჯერჯერობით უცნობია.

ანო თორელი