,,შეიძლება ცხოვრებაში მე მიმიქარავს რამე, მაგრამ ამ სახელმწიფოსგან, სულ ცოტა, პენსია მაინც მეკუთვნოდა“, - აცხადებს თავდაცვის ყოფილი მინისტრი დათვი თევზაძე ,,ასავალ-დასავალთან“ ინტერვიუში.

,,9 წლის მანძილზე სამხედრო მართვა და მოწყობა არაპროფესიონალების ხელში იყო. სამწუხაროდ, არც ახალი ხელისუფლების მოსვლის შემდეგ შეცვლილა რამე. დააკვირდით უშიშროების საბჭოს, გადახედეთ, რა გარემოცვაა პრეზიდენტისა და პრემიერის გარშემო. ვისაც უნდა, იმას შევეკამათები ამ თემაზე! არც პრეზიდენტს და არც პრემიერს არ ჯყავს გვერით ისეთი სამხედრო, რომელიც გაუბედავს და ეტყვის - ამის გაკეთება არ შეიძლებაო“, - აცხადებს დავით თევზაძე.

მისი თქმით, ,,ქართული ოცნება“ კატასტროფიულად კარგავს მხარდამჭერებს, თავდაცვის ყოფილი მინისტრი უკმაყოფილებას გამოთქვამს იმის გამო, რომ მისი მრავალწლიანი საქმიანობის მიუხედვად, მას დღეს პენსიაც არ აქვს, ,,წინა ხელისუფლების დროს იმის უფლება მაინც მქონდა, სტუდენტებისტვის ლექციები წამეკითხა. დღეს ჩემი ყოველდღიურობა არსებობისთვის ბრძოლაა. 7 წლის ისტორიის მქონე უმაღლესი დაწესებულება ისე დაგვიხურეს და 130 პროფესორ-მასწავლებელი ქუჩაში გამოგვიყარეს,, რომ ბოდიშიც არ მოუხდია არავის“, - ამბობს დავით თევზაძე.

თევზაძე ქვეყანაში სამართიანობის აღდეგნაზეც საუბრობს და აღნიშნავს, რომ მისი ძმა, რომელიც 2000 წელს მოკლეს, მას მერე ამ საქმის გამოძიება არავის გახსენებია. თევზაძე მის ძმისშვილზე თავდასხმის ფაქტსაც იხსენებს, რომელიც ორიოდ დღის წინ მოხდა. ,,პლაკატს ხომ არ დავიჭერ ხელში - გამოიძიეთ ჩემი ძმის მკვლელობა-მეთქი. გუშინწინ ძმისშვილს დანით ფიზიკური დაზიანება მიაყენეს, დამნაშავე კი მეორე დღეს გაათავისუფლეს. რითი უნდა ვიყო კმაყოფილი?“, - აცხადებს თავდაცვის ყოფილი მინისტრი.

დავით თევზაძე თავს იკავებს ღარიბაშვილისთვის რჩევების მისაცემად და იმედოვნებს, რომ პრემიერი დაბრძენდება. თავდაცვის ყოფილი მინისტრი ივანიშვილის საქციელს დეზერტირობას უწოდებს. ,,დღესაც ვფიქრობ, რომ ივანიშვილის მიერ გადადგმული ეს ნაბიჯი წმინდა წლის დეზერტირობა იყო! - თავის თავზე აღებულ პასუხსიმგებლობას გაექცა! თუმცა, ყველამ თავისი საქმე უკეთ იცის!“, - ამბობს თევზაძე.