საქართველოს პრემიერმინისტრის სპეციალური წარმომადგენელი რუსეთთან ურთიერთობის საკითხებში ზურაბ აბაშიძემ 2008 წლის ომთან დაკავშირებით ისაუბრა. ამის შესახებ კომენტარი აბაშიძემ „მოამბეს“ პირდაპირ ეთერში გააკეთა:

„ამ მოვლენებს უკვე მიეცა შეფასება, 2008 წლის აგვისტოს ომი გახდა საერთაშორისო განსჯისა და დისკუსიების საგანი, შეიქმნა სპციალური კომისია, ე.წ. ტალიავინის კომისია, რომელმაც დადო საფუძვლიანი დასკვნა, თუ რა იყო ამ ომის მიზეზები, მე ვფიქრობ, რომ ამ დასკვნაში ობიექტურად არის გაშუქებული, ეს შეფასებები არ შეცვლილა, ეს იყო აგრესია, რომლის მსხვერპლიც საქართველო გახდა, მაგრამ ჩვენ ყველაფერი უნდა გავაკეთოთ იმისათვის, რომ ჩვენ აღარსდროს დავუშვათ ის შეცდომები რაც იყო დაშვებული.

არავითარი შერბილებული ტონი არ არსებობს, ჩვენ არ გვაქვს რუსეთთან დიპლომატიური ურთიერთობები, 2008 წელს გაწყდა ასეთი ურთიერთობები ჩვენი ინიციატივით, ამის იქით უფრო მკაცრი ფორმა არ არსებობს, ერთადერთი ომი რჩება. ჩვენ გვაქვს ყველაზე გამოკვეთილად მკაცრი ფორმა რუსეთთან სახემწიფოების ურთიერთობისა“, - განაცხადა ზურაბ აბაშიძემ.