“ექსპრეზიდენტის გასამართლება ხელისუფლებაში ყოფნისას მიღებული გადაწყვეტილებების გამო საშიში პრეცედენტია”- ამის შესახებ განცხადება ამერიკის შეერთებული შტატების ყოფილმა ელჩმა საქართველოში კენეთ სპენსერ იალოვიცმა „ამერიკის ხმასთან“ ინტერვიუში გააკეთა.

"ჩემი აზრით სასამართლო პროცესების წარმართვის საუკეთესო გზა იქნება , დაწესდეს გარკვეული სახის მონიტორინგი, ეს ძალიან მნიშვნელოვანია იქნება იმისთვის, რომ უცხოეთი სასამართლო პროცესების სამართლიანობაში დარწმუნდეს. მოგეხსენებათ ამერიკაში რამდნეიმე სენატორმა გამოთქვა აზრი, რომ აუცილებელია საქართველოში პროცესები გამჭვირვალე და თავისუფალი უნდა იყოს.

სამწხაროდ ხალხს ახსოვს "ქართული ოცნების" ზოგიერთი ლიდერის განცხადება საარჩევნო კამპანიისას და არჩვენების შემდეგ, სადაც ისინი ამბობდნენ, რომ მათი მიზანი "ნაციონალური მოძრაობის" განადგურებაა.

ეს განცხადებები ჯერ არ არის დავიწყებული, ვფიქრობ საქართველო მუდმივად რაღაც გამოცდის წინაშე დგას. საპრეზიდენტო და საპარლამენტო არჩევნები ქვეყანაში წარმატებით ჩატარდა, მაგრამ ახლა სამართლებრივი სისტემის გამოცდის დრო დადგა. საქართველოზე საუბრისას ყოველთვის ოპტიმისურად ვარ განწყობილი, იმედი მაქვს ეს გამოცდაც წარმატებით ჩაივლის.

უდავოა რომ 7 -ი ნოემბრის მოვლენები სათანადოდ უნდა შეფასდეს, მაგრამ ამერიკაშიც და დასავლეთშიც გვაწუხებს ის, რომ ხელისუფლებიდან წასვლის შემდეგ ყოფილი პრეზიდენტის გასამართლება იწყება, ეს დასავლეთში ძალიან ცუდად ჟღერს. სასამართლო პროცესესბისას დასავლეთს მოთხოვნა სრული გამჭვირვალობაა, წინააღმდეგ შემთხვევაში ეს პროცესები საქართველოს დიდ ზიანს მოუტანს, "-განაცხადა კენეთ სპენსერ იალოვიცმა.