„უკრაინის აღმოსავლეთში რუსეთ-უკრაინის ფართომასშტაბიანი ომი მიმდინარეობს“, - ამის შესახებ განცხადება მიხეილ სააკაშვილმა გააკეთა.

მიხეილ სააკაშვილმა კიდევ ერთხელ განაცხადა, რომ უკრაინის კრიზისი საქართველოსა და მთლიანად ევროპის უსაფრთხოებისათვის გადამწყვეტია. მან საქართველოს ხელისუფლება გააკრიტიკა იმის გამო, რომ მთავრობა უკრაინის მხარდაჭერისაგან თავს იკავებს და ისევ რუსეთთან ურთიერთობის ნორმალიზებაზე აკეთებს აქცენტს.

მიხეილ სააკაშვილი სამარცხვინოდ მიიჩნევს, რომ საქართველოს ხელისუფლების წარმომადგენლები ევროპელ ლიდერებს აკრიტიკებენ და დასავლეთის მიერ მოსკოვისათვის დაკისრებულ სანქციებს არ უჭერენ მხარს.

„ჩემთვის ძალიან მტკივნეულია, რაც ჩმს ქვეყანაში ხდება. 2012 წელს გაზპრომის კერძო აქციონერმა ივანიშვილმა არჩევნებში გაიმარჯვა. სამწუხაროდ ეს დემოკრატიის მთავარი სისუსტეა. პუტინმა მას ამისთვის 2 მილიარდი გამოუყო, ეს დიდი ფულია.

პუტინი მთელი ამ ხნის განმავლობაში ითხოვდა, რომ მე დავესაჯე იმის გამო, რომ მე გავბედე ჩემს ხალხთან ერთად მისი აგრესიის წინააღმდეგ წასვლა. რა თქმა უნდა ხალხს ხმა არ მიუცუია ჩემი დასჯისთვის, მათ ხმა უკეთეს ცხოვრებას მისცეს. მილიარდერი მათ პირდებოდა, რომ ხეები ფუნთუშებს მოისხამდა, ეს რა თქმა უნდა არ მოხდა, მაგრამ შეხედეთ რა ხდება, ჩემდა სამარცხვინოდ, საქართველოს ხელისუფლებამ განაცხადა, რომ ვერ დაუჭერს მხარს უკრაინას, თვითმფრინავის ჩამოვარდნის შემდმდეგ.

პრემიერმა, რომელიც დამოკიდებულია ოლიგარქზე, თქვა, რომ ეს სამწუხარო მოვლენაა, მაგრამ ჩვენ ჩვენი ურთიერთობა გვაქვს რუსეთთან და მასზე ვერაფერს ვერ ვიტყვით, რადგან ახლახანს დავალაგეთ ურთიერთობა. ეს იმ დროს, როცა ჩვენი ქვეყნის 20 პროცენტი ოკუპირებულია და ყოველდღე პროვოკაციებს გვიწყობენ.

საქართველოს საგარეო საქმეთა მინისტრი აცხადებს, რომ ვერ დავუჭერთ მხარს ევროკავშირის სანქციებს, რადგან სანქციები, ეს არ არის მოგვარების გზა. ანუ ის აკრიტიკებს ევროპას უკრაინის მხარდაჭერისთვის. სირცხვილი და თავისმოჭრაა.

მინდა იცოდეთ რატომ ვარ აქ. ჩვენი ერი ყოველთვის გიჭერთ მხარს, გვესმის, რომ ეს არის ჩვენი ბრძოლა, რომ ამაზეა დამოკიდებული ჩვენი მომავალი და ვიცით, რომ ეს ჩვენი მწარე გამოცდილებაა“, - განაცხადა მიხეილ სააკაშვილმა.