შერიგებისა და სამოქალაქო თანასწორობის საკითხებში სახელმწიფო მინისტრს არ მიაჩნია სწორად ყოფილი პრეზიდენტი ციხეში იყოს. ამის შესახებ პაატა ზაქარეიშვილმა “პალიტრა.ტვ”-ის ეთერში განაცხადა.

მისივე განმარტებით, თუ სააკაშვილმა დანაშაული ჩაიდინა, იგი მხილებულ უნდა იქნას.

“საერთოდ, მე პრინციპული წინააღმდეგი ვარ, რომ სააკაშვილი იყოს ციხეში, თუმცა უნდა ითქვას რა დააშავა, რა ეკუთვნის მას. მე არ მიმაჩნია სწორად, რომ ყოფილი პრეზიდენტი ციხეში იყოს, თუმცა, ის უნდა იყოს მხილებული თავის დანაშაულში. ყველამ ვიცოდეთ თუ რა დააშავა მან. გმირად რომ მოაქვს თავი, გმირი არ იყოს და ეს ყველამ კარგად იცის. ჰქონდეს თავისი კუთხე და უნდა იცოდეს, სად და როგორ იჯდეს ამ კუთხესთან”, – განაცხადა პაატა ზაქარეიშვილმა.

ნინი კაციტაძე