„სანდრა რულოვსი შევარდა ჩემს სახლში საკუთარ ნათესავებთან ერთად, კარები შეამტვრიეს, ქვევრები დამიხსნეს და ღვინის სმა დაიწყეს“, - ამის შესახებ დეპუტატი ვალერი გელაშვილი „კვირის პალიტრასთან“ ინტერვიუში აცხადებს.

„როდესაც ამბობენ, რომ ვალერი გელაშვილმა შეურაცხყოფა მიაყენა მიხეილ სააკაშვილსო, რატომ არავის ახსენდება, რომ პირველი სწორედ მან მომაყენა შეურაცხყოფა. სააკაშვილი ჯერ არ იყო პრეზიდენტი, როდესაც სანდრა რულოვსი შევარდა ჩემს სახლში საკუთარ ნათესავებთან ერთად, კარები შეამტვრიეს, ქვევრები დამიხსნეს და ღვინის სმა დაიწყეს. ქართველი კაცისთვის ასეთი რაღაც რამხელა შეურაცხყოფაა, ყველას მოგეხსენებათ, მაგრამ ეს არავის ახსენდება. მარტო იმას წერენ, ვალერიმ გაზეთში ცუდი ილაპარაკა მიშაზეო“, - აცხადებს გელაშვილი.