საპარლამენტო უმცირესობის ლიდერმა დავით ბაქრაძემ დღეს გამართულ ბრიფინგზე განაცხადა, რომ საჯაროდ დაფიქსირდა, რომ საქართველოს ხელისუფლების პოზიცია მთავარი სტრატეგიული პარტნიორების - ამერიკის შეერთებული შტატებისა და ევროკავშირის პოზიციას ეწინააღმდეგება:

“სიმბლოურია, რომ ეს ყველაფერი დაემთხვა შეერთებული შტატების პრეზიდენტ ობამას განცხადებას, რომ სანქციები რუსეთის წინააღმდეგ წარმატებით მუშაობს და ასევე დაემთხვა ნატო-ს გენერალური მდივნის რასმუსენის განცხადებას, რომ ნატო რუსეთთან ურთიერთობას წყვეტს. ჩვენ აქამდეც გვქონდა სერიოზული კითხვის ნიშნები, თუ რამდენად შესაბამისი იყო საქართველოს ხელისუფლების პოლიტიკა ჩვენი მთავარი მოკავშირეების გზავნილებთან, მაგრამ გუშინ პირველად, საჯაროდ დაფიქსირდა, რომ საქართველოს ხელისუფლების პოზიცია ჩვენი მთავარი სტრატეგიული პარტნიორების - ამერიკის შეერთებული შტატებისა და ევროკავშირის პოზიციას ეწინააღმდეგება“, - განაცხადა ბაქრაძემ.