პრემიერ-მინისტრი მიხეილ სააკაშვილის მიმართ წაყენებულ ბრალზე ევროპელი პოლიტიკოსების მიერ გაკეთებულ განცხადებებს ეხმაურება.

ირაკლი ღარიბაშვილის თქმით, ამ ადამიანებმა არ იციან თუ რა ხდებოდა ბოლო წლის განმავლობაში საქართველოში და მიხეილ სააკაშვილის მიმართ თანაგრძნობას მეგობრული ვალდებულებიდან გამომდინარე გამოხატავენ.

“ეს სააკაშვილის გარკვეული მეგობართა კლუბია, რომლებსაც აქვთ მეგობრული ველდებულებები და ისინი უბრალოდ თანაგრძნობას გამოხატავენ. ეს მარტივად ასეა. სამწუხაროდ, მათ არ იცოდნენ იმ საშინელებების შესახებ, რაც საქართველოში ხდებოდა. ამ ყველაფერს მომავალი თაობა კიდევ უფრო კარგად და მკაცრად შეაფასებს. ნებისმიერი საუბრები, რაც მათ შორის ჩვენი მეგობრებისგან გვესმის იმის თაობაზე, რომ ჩვენ არ უნდა გამოვიძიოთ წარსულში ჩადენილი დანაშაულები, ეს პირდაპირ ეწინააღმდეგება კანონის უზენაესობის საერთაშორისოდ აღიარებულ პრინციპებს და ჩვენი მთავრობის მთავარ ღირებულებებს. ჩვენ თუ გვსურს რეალურად დემოკრატია შევქმნათ ამ ქვეყანაში, მაშინ კანონზე მაღლა არავინ უნდა იდგეს”, - განაცხადა ირაკლი ღარიბაშვილმა.

ნინი კაციტაძე