„მიხეილ სააკაშვილი არ იყო ანგელოზი, როდესაც ის იკავებდა პრეზიდენტის პოსტს 2004 წლიდან 2013 წლამდე, ამასთანავე მისი , როგორც ხელისუფალის ნაკლოვანებები არ ნიშნავს იმას, რომ საქართველოს ამჟამინდელი ხელისუფლება ჭკვიანურად მოიქცა , როდესაც მას ბრალი წაუყენა თაბნამდებობის ბოროტად გამოყენების მუხლით“ -წერს The Financial Times.

იმის მაგივრად რომ ხელი შეეწყოს ქვეყნის სტაბილურობას , ექსპრეზიდენტზე სამართლებრივი შეტევები ქართულ პოლიტიკაში შურისძიების ციკლის გახანგრძლივებას უწყობს ხელს.- ირწმუნებიან სარედაქციო სტატიის ავტორები.

ამ ქმედებით ხდება ყურადღების გადატანა ბრალდებებზე ეკონომიკური და თავდაცვის პრობლემებიდან , რაზეც კოალიცია „ქართულ ოცნებას“ უპირველესად მართებს ფოკუსირება. რუსეთის მიერ ყირიმის დაპყრობამ და მის მიერვე აღმოსავლეთ უკრაინაში სეპარატისტების მხარდაჭერამ ნათლად აჩვენა საქართველოს დაუცველობა შესაძლო საფრთხეების მიმართ.

ავტორების აზრით არსებობს შესაძლებლობა სამხრეთ ოსეთის და აფხაზეთის ფორმალური ანექსიის. „ ქართველი ანალიტიკოსები გამოთქვამენ ეჭვს რომ რუსეთმა შეიძლება ერთ დღეს საქართველოს ტერიტორია გამოიყენოს სომხეთში არსებული თავის ბაზებთან კავშირის დასამყარებლად, ან სომხური სეპარატიზმი გააღვივოს სამცხე- ჯავახეთში სადაც გადის მილსადენი რომლითაც აზერბაიჯანიდან თურქეთ ნავთობი მიეწოდება,

„მსგავსი ქმედების წინაშე საქართველო სრულიად დაუცველი რჩება , მისი სამხედრო ძალა მცირეა, ის არ არის ნატოს წევრი, ამასთანავე მისი ასოცირების ხელშეკრულება ევროპასთან, არ ითვალისწინებს სამხედრო დახმარებას“-ნათქვამია სტატიაში

შიდა და გარე გამოწვევების გათვალისწინებით დასავლეთის სახელმწიფოებმა რჩევა უმდა მისცენ საქართველოს ხელისუფლებას, რომ ყველა დაინტერესებული მხარისთვის ქვეყნის მომავალზე ყურადღების გამახვილება იქნება უმჯობესი და არა პოლიტიკური დაპირისპირების გაღვივება და , წარსულის ქექვა“-ასკვნის FT.