საქართველოს პრეზიდენტი რუსეთთან ურთიერთობის საკითხებზე საუბრობს. „ქრონიკის“ პირდაპირ ეთერში პრეზიდენტმა განაცხადა, რომ საქართველოსა და რუსეთს შორის არსებული დიალოგი პრინციპულ საუბრამდე ჯერჯერობით ვერ მივიდა:

„მე ვფიქრობ, რომ ბოლო ორი წლის განმავლობაში ჩვენი სტრატეგიული მიზანი რუსეთის ფედერაციასთან ურთიოერთობის თვალსაზრისით, იყო სიტუაციის განსჯით რეჟიმში გადაყვანა, აქ იყო პოზიტიური ძვრები, მაგრამ ამასთან ერთად ჯერჯერობით პრინციპულ საუბრამდე ჩვენი ურთიერთობა არ მივიდა, კურსი შესანარჩუნებელია. რომ არ ყოფილიყო ის დაძაბულობა, რომლის თეატრიც ახლა უკრაინაშია, მე ვფიქრობ უფრო წინ გადადგმული ნაბიჯები გვექნებოდა, მაგრამ ვერ ვიტყვი, რომ სიტუაცია დაძრულია.

მე არ ვარ ისტორიკოსი, მე ვიცი, რომ დღეს საქართველოს წინაშე დგას რამდენიმე უმძიმესი ამოცანა, პირველი, უნდა მოხდეს საქართველოს სუვერენიტეტის განმტკიცება, ურთიერთობა მხოლოდ დიალოგით უნდა დალაგდეს და არ განმეორდეს დაპირისპირება, ეს არის რის წინაშეც ვდგევართ ახლა. ჩვენ გვაქვს პოზიტიური დინამიკა, ევროატლანტიკური მიმართულებით და ვცდილობთ შევინარჩუნოთ კონსტრუქციული ურთიერთობა. ეს არ არის იოლი, მაგრამ ეს არის სტრატეგიული გზა. ეს არის გრძელი გზა, მაგრამ ჩვენ ამ გზაზე ძალიან მტკიცედ ვდგევართ“, - განაცხადა გიორგი მარგველაშვილმა.