საქართველოს პრეზიდენტმა, გიორგი მარგევლაშვილმა დევიდ კემერონის წერილის კომენტირებისას აღნიშნა, რომ დიდი ბრიტანეთის პრემიერმინისტრის განცხადება საქართველოსთვის სასიკეთო და საინტერესოა.

“ეს ჩვენთვის სასიკეთო და საინტერესო განცხადებებია. თქვენ იცით, რომ ნატო-ს სამიტზე ჩვენ იმ მოლოდინით მივდივართ, რომ სამიტის შემდეგ, როგორც რეგიონის, ასევე საქართველოს უსაფრთხოება აიწევს თვისობრივად უკეთეს დონეზე და ეს წინ გადადგმული ნაბიჯი განხორციელდება სწორედ იმ პაკეტის საფუძველზე, რომელსაც ნატო შესთავაზებს საქართველოს. მინდა ვთქვა, რომ ამ პროცესისთვის სასარგებლოა ის განცხადება, რომელიც გაკეთდა”, – განაცხადა გიორგი მარგველაშვილმა.