თბილისის მთავრობის სხდომის მიმდინარეობისას მერიის შესყიდვებისა და კეთილმოწყობის სამსახურის უფროსებმა ჟურნალისტებთან, წინა მთავრობის პირობებში გაფორმებულ ხელშეკრულებებსა და ტენდერებში არსებულ ხარვეზებზე ისაუბრეს.

მერიის კეთილმოწყობის სამსახურის უფროსის ავთანდილ სუდიძის განცხადებით, გადამოწმებული იქნა რიგი ხელშეკრულებებისა, სადაც გამოვლენილია ზოგადი სახის და ხასიათის ხარვეზები. რაც ეხება საგარანტიო პირობებს და საბანკო გარანტიებს, "მაგალითად 770 ათასიან ხელშეკრულებაზე კომპანიას 1 % საგარანტიო ხელშეკრულება აქვს მოტანილი ანუ 7700 ლარის გარანტია. რატომ ჩაიგდო მერიამ თავი ასეთ უსუსურ მდგომარეობაში ჩემთვიოსაც გაუგებარია“-აცხადებს სუდიძე

მერიის შესყიდვების სამსახურის უფროსი დავით მორალიშვილი შესყიდვების მიზანშეწონილობის პრობლემაზე საუბრობს "სკვერებში და ბაღებში ბალახის თესვაზე არის ცალკე გამოცხადებული ტენდერი და იგივე სკვერების და ბაღების მოვლაზე ცალკეა გამოცხადებული ტენდერი. ანუ კონტრაქტორმა რომელიც განახორციელებს თესვა გარკვეული პერიოდის მერე უნდა გადასცეს მოვლა შენახვისთვის სხვა კონტრაქტორს, რომელსაც შეიძლება გაუფუჭდეს და მოხდეს ერთმანეთს შორის გადაბრალება“- აღნიშნავს შესყიდვის სამსახურის უფროსი.