შვედეთის საგარეო საქმეთა მინისტრი კარლ ბილდტი საქართველოს ხელისუფლების წარმომადგენელთა შეფასებებს კრიტიკით პასუხობს. ბილდტი „ტვიტერზე“ საკუთარ კომენტარს საქართველოს მთავრობის წევრების განცხადებების საპასუხოდ წერს.

"საქართველოში რევანშის პოლიტიკის გამო, საერთაშორისო შეშფოთება იზრდება. ეს ზიანს აყენებს ქვეყანას", - წერს შვედეთის საგარეო საქმეთა მინისტრი.

მანამდე, შვედეთის საგარეო უწყების ხელმძღვანელმა განაცხადა, რომ საქართველოს ხელისუფლება სამართლებრივი სისტემის შურისძიებისთვის გამოყენების გამო ევროპისკენ მიმავალი გზიდან უხვევს.

კარლ ბილდტის ამ განცხადებას, საქართველოს ხელისუფლების წარმომადგენლების კრიტიკა მოჰყვა. საგარეო საქმეთა მინისტრმა მაია ფანჯიკიძემ განაცხადა, რომ „ბბილდტის განცხადება მთლად კორექტული არ იყო“.

ნინი კაციტაძე