„დღევანდელი დღე საქართველოს ისტორიაში ტრაგიკულია, რადგან ამ დღეს 6 წლის წინ საქართველო ჩათრეული აღმოჩნდა ომში“, - ამის შესახებ საგარეო საქმეთა მინისტრმა განაცხადა.

მისი თქმით, საქართველო ამ ომის შედეგებს დღესაც იმკის.

„დღევანდელი დღე არის ტრაგიკული საქართველოს ისტორიაში, რადგან 6 წლის წინ საქართველო ჩათრეული აღმოჩნდა რუსეთთან ომში. ძალიან ბევრი ადამიანი დაიღუპა და ბევრი ოჯახი განადგურდა. სამწუხაროდ, ამ ომის შედეგებს დღესაც ვიმკით, რადგან საქართველოს ტერიტორიის 20%, უამრავი იძულებით გადაადგილებული ადამიანი გვყავს.რუსეთი განაგრძობს აგრესიულ ქმედებებს. ისევ აშენებს ხელოვნურ ბარიერებს და მავთულხლართებს საოკუპაციო ხაზის გასწვრივ, რითაც ადამიანის უფლებებს ზღუდავს. ყველა ამ საკითხის მოგვარება საქართველოს მთავრობის უმთავრესი ამოცანაა“, - განაცხადა ფანჯიკიძემ.

ნინი კაციტაძე