„შვედეთის პოლიტიკას იმ განცხადებებით ვერ შევაფასებთ, რომელიც “ტვიტერზე” კეთდება“, - ამ განცხადებით შვედეთში საქართველოს ელჩი კონსტანტინე ქავთარაძე კარლ ბილდტის მიერ გაკეთებულ განცხადებას.

ქავთარაძის თქმით, შვედეთი საქართველოს მხარდამჭერად რჩება და ეს თავად ამ ქვეყნის საგარეო საქმეთა მინისტრს არაერთხელ აღუნიშნავს.

“კარლ ბილდტი საქართველოს ევროპული ინტეგრაციის ერთ-ერთი ყველაზე აქტიური მხარდამჭერია. ეს არის ქვეყანა, რომელიც საქართველოს ევროკავშირის შიგნით აქტიურად ლობირებს. აქედან გამომდინარე, შვედეთის პოლიტიკას სწორედ ამ გადასახედიდან ვაფასებთ და არა იმ განცხადებებით, რომელიც “ტვიტერზე” კეთდება. კარლ ბილდტი რამდენჯერმე თავად იყო საქართველოში ჩამოსული. ის ხშირად ხვდება საქართველოს ხელისუფლების წარმომადგენლებს და ამ მხრივ პრობლემა არ არსებობს”, - განაცხადა ქავთარაძემ.

შვედეთის საგარეო საქმეთა მინისტრი მიხეილ სააკაშვილის მიმართ წაყენებულ ბრალდებას გამოეხმაურა.

კარლ ბილდტის თქმით, საქართველოს ხელისუფლება სამართლებრივ სისტემას შურისძიებისთვის იყენებს.

"საქართველოს ხელისუფლება სამართლებრივი სისტემის შურისძიებისთვის გამოყენების გამო ევროპისკენ მიმავალი გზიდან უხვევს. ეს ქვეყნის ინტერესებს აზიანებს", - წერს ბილდტი.