ბაჩუკი ქარდავა: საჭიროა აფხაზეთის უმაღლესი საბჭო უფრო მოქნილი სტრუქტურა იყოს

პოლიტიკა - 17:25, 06 Aug, 2014

1608

აფხაზეთის უმაღლესი საბჭოს არჩევნების ჩატარების აუცილებლობაზე იმსჯელეს სამოქალქო სექტორის და პოლიტიკური პარტიების წარმომადგენლებმა. კონფერენცია საზოგადოებრივი მოძრაობა „დაბრუნების“ ინიციატივით გაიმართა. ორგანიზაციის თავმჯდომარის განცხადებით, აფხაზეთის უმაღლესი საბჭო არაქმედითუნარიანია და დევნილი მოქალაქეების უფლებებისა და ინტერესების დასაცავად არჩევნების ჩატარება აუციელებლია.

„ეროვნულ დემოკრატიული პარტიის“ ლიდერის, ბაჩუკი ქარდავას განცხადებით, დღეს მთავარი საზრუნავი უნდა იყოს ქვეყნის ტერიტორიული მთლიანობის აღდგენა:

„დღეს ჩვენი მთავარი საზრუნავი უნდა იყოს ქვეყნის ტერიტორიული მთლიანობის აღდგენა, დღეს არის ამ ტიპის შეკრება, როცა შევეცდებით, რომ მიუხედავად ჩვენი შეხედულებებისა, ამ ერთი იდეის გარშემო გავერთიანდებით.

რაც შეეხება ვადამდელი არჩევნების ჩატარებას აფხაზეთის ა/რ უმაღლეს საბჭოში, ამ ადამიანების არგუმენტი არის მნიშვნელოვანი და მისაღები, რადგან უნდა გვესმოდეს, რომ მას შემდეგ რაც რუსეთმა განახორციელა აგრესია საქართველოს წინააღმდეგ და მოახდინა აფხაზეთის და ცხინვალის რეგიონის ოკუპაცია, შეიცვალა რეალობა ქვეყნის გარეთ და ქვეყნის შიგნით.

ამდენად ამ დევნილი მოსახლეობის აზრის გამომხატველი უნდა იყოს ის წარმომადგენლობითი ორგანო, რომელსაც აირჩევენ ის ადმიანები, რომლებიც ამ ტერიტორიიდან არიან დევნილები, მე მიმაჩნია, რომ ეს არის მისაღები წინადადება და შევეცდებით, რომ ამ და სხვა საკითხებთან დაკავშირებით კოორდინირებულად ერთად ვიმუშაოთ. აქ არ არის მოთხოვნა ვინმეს წინაშე, ჩვენ ვაყენებთ საკითხს საზოგაოდების წინაშე, რომელიც მომწიფებულია უკვე, ჩამყაყებული სტრუქტურებიდან უნდა მოვახდინოთ რეალურ, უფრო მოქნილ და შედეგზე ორიენტირებულ სტრუქტურაზე გადასვლა.

როცა საუბარია აფხაზეთის უზენაეს საბჭოზე და ის ადამიანები, რომლებიც ჩვენი ძირძველი მიწებიდან წამოვიდა და ცხოვრობს დანარჩენ საქართველოში, მათი პრობლემების მოსაგვარებლად ცენტრალურ ხელისუფლებასთან ერთად საჭიროა უფრო მოქნილი სტურქტურების აშენება, ან განახლება მაინც პიროვნებების დონეზე. ჩვენ ვთავაზობთ საზოგადოება ჩვენ ხედვას, რომ საჭიროა ჩატარდეს იმ რეგიონიდან დევნილი მოსახლეობის წარმომადგენილობით დონეზე არჩევნები“, - განაცხადა ბაჩუკი ქარდავამ.