აფხაზეთის უმაღლესი საბჭოს არჩევნების ჩატარების აუცილებლობაზე სამოქალქო სექტორის და პოლიტიკური პარტიების წარმომადგენლებმა იმსჯელეს. კონფერენცია საზოგადოებრივი მოძრაობა „დაბრუნების“ ინიციატივით გაიმართა. ორგანიზაციის თავმჯდომარის განცხადებით, აფხაზეთის უმაღლესი საბჭო არაქმედითუნარიანია და დევნილი მოქალაქეების უფლებებისა და ინტერესების დასაცავად არჩევნების ჩატარება აუციელებლია.

საქართვლოს საგარეო საქმეთა ყოფილი მინისტრი გრიგოლ ვაშაძე მსგავს აქტივობას მიესალმება:

„ეს კონფერენცია დიდი ხანია იგეგმებოდა და მინდა მადლობა ვუთხრა მოძრაობა "დაბრუნებას", რადგან საქართველოს ყველა მოქალაქისთვის და განსაკუთრებით დევნილებისთვის და იძულებით გადაადგილებული ადამიანებისთვის ამას უზარმაზარი მნიშვნელობა ექნება. მოვიდა დრო რომ იძულებით გადაადგილებულ პირებს ჰქონდეთ ისეთი საკანონმდებლო ორგანო, რომელიც მათზე იზრუნებს და მათ ინტერესებს წარმოადგენს არა მარტო ქვეყნის შიგნით, არამედ ქვეყნის გარეთაც და საერთოდ, თუ ჩვენ დემოკტრატიულ სახელმწიფოს ვაშენებთ, მოვიდა დრო, რომ ,,პრაქტიკულ მიზანშეწონილობას“ ნუღარ შევწირავთ დემოკრატიულ პრინციპებს, საქართველოს ყველა მოქალაქეს აქვს უფლება მიიღოს მონაწილეობა ადგილობრივი ორგანოების არჩევნებში და სრულაიდ გაუგებარია, რატომ არ აკეთებს ამას აფხაზეთის იძულებით გადაადგილებული მოსახლეობა, რომელიც ქვეყნის გარეთ კი არ გასულა, არამედ იმყოფება საკუთარი ქვეყნის ტერიტორიაზე“, - განაცხადა გრიგოლ ვაშაძემ.