საგარეო საქმეთა მინისტრი ნატო-ს გენერალური მდივნის განცხადებას ეხმაურება, სადაც რასმუსენი რუსეთს საქართველოში, მოლდოვასა და უკრაინაში კონფლიქტის გაღვივებაში ადანაშაულებს.

მაია ფანჯიკიძის თქმით, მთელი ევროპა შეშფოთებულია იმ სიტუაციით, რომელიც უკრაინაში ვითარდება და რომელიც სერიოზულ საფრთხეს იწვევს.

„რუსეთის წინააღმდეგ ტონი არა მხოლოდ ნატო-ს გენერალური მდივნისგან, არამედ ევროპელი სახელმწიფოს ლიდერების და ამერიკისგან გამძაფრებულია. ჩვენი პოზიცია ცხადია, რომ ეს მოვლენები იწვევს სერიოზულ საფრთხეს. ჯერჯერობით ეს კონფლიქტი მშვიდობიანი გზით არ გვარდება და ამის გამოხატულება იყო სწორედ მალაიზიური თვითმფრინავის ჩამოგდება. გასაგებია ის გამძაფრებული ტონი, რომელიც რუსეთის წინააღმდეგ გამოიყენება. ამასთან, არის სანქციების ახალი ტალღაც. შესაბამისად, ეს არის პოზიცია, რომელიც ერთიანია როგორც ევროპული ქვეყნებისთვის, ისე ამერიკის შეერთებული შტატებისთვის“, - განაცხადა ფანჯიკიძემ.

საბჭოთა კავშირის შემდეგ ალიანსი ცდილობდა კარგი ურთიერთობა დაემყარებინა მოსკოვთან, რუსეთის პასუხი კი იყო კანონების უგულებელყოფა და კონფლიქტების გაღვივება საქართველოში, მოლდოვასა და უკრაინაში.