ექსპერტი ვახტანგ მაისაია გაზეთ „რეზონანსს“ ყარაბაღის კონფლიქტზე და ამ კონფლიქტის შესაძლო შედეგებზე ესაუბრა.
მაისაიას განცხადებით ამჟამად ყველა ელოდება იმას თუ რა შედეგს მოიტანს სომხეთის და აზერბაიჯანის პრეზიდენტების შეხვედრა. თუ სიტუაცია იგივე დარჩა როგორც წინა შეხვედრებისას, მაშინ ვითარება შეიძლება გართულდეს, „ომი რომ განახლდეს, ეს არ იქნება ის რაც იყო 90-იან წლებში, ახლა თუ დაიწყო ომი ამას ექნება ლოკალური ომმის ფორმა და ეას შეიძლეება გადაიზარდოს რეგიონალური ომის ფორმატში“- აცხადებს მაისაია.

ექსპერტის აზრით „სომხეთ-აზერბაიჯანის კონფლიქტი სცილდება ორ მხარეს შორის ომს, რადგან სომხეთს რუსეთთან გაფორმებული აქვს უსაფრთხოების ხელშეკრულება, რომლის მიხედვითაც რუსეთი ვალდებულია სომხეთს დაეხმაროს. მსგავსი ხელშეკრულება აქვს გაფორმებული აზერბაიჯანს თურქეთთან. ასე რომ გამორიცხული არ არის კონფლიქტში რუსეთი და თურქეთი ჩაებან.“

მაისაიას განცხადებით საქართველომ სიტუაციის შესაძლო გართულების შემთხვევაში სამი ფაქტორი უნდა გაითვალისწინოს, პირველი არის ლტოლვილთა ნაკადი, მეორე ის რომ კონფლიქტმა შეიძლება საქართველოს ტერიტორიაზე გადმოიწიოს,დაირღვეს საქართველოს საჰაერო სივრცე და მესამე თუ კონფლიქტში რუსეთი ჩაერთვება ის ყველა შემთხვევაში შეეცდება ტრანზიტად საქართველოს ტერიტორია გამოიყენოს.