საპარლამენტო უმცირესობის წევრი გოგა ხაჩიძე მიხეილ სააკაშვილისთვის ახალი ბრალის წარდგენასთან დაკავშირებით კომენტარს აკეთებს:

„ის, რომ პოლიტიკური ოპონენტების და ზოგიერთ შემთხვევაში მტრების ჩვენების საფუძველზე პრეზიდენტს სააკაშვილს ბრალს უმძიმებენ, ჩვეულებრივი კლასიკური პოლიტიკური დევნის მაგალითია. რაც შეეხება ამათ, გადალახეს დიდიხანია წითელი საზღვრები და გასულები არიან იალაღზე, რაც უფრო მეტ ასეთ სისულელეს გააკეთებენ, მით უარესი მათთვის“, - განაცხადა გოგა ხაჩიძემ.

საქართველოს ექს-პრეზიდენტი მიხეილ სააკაშვილი და შინაგან საქმეთა ყოფილი მინისტრი ვანო მერაბიშვილი დეპუტატ ვალერი გელაშვილის ცემის ფაქტზე სისხლის სამართლის პასუხისგებაში მიეცნენ.

ამის შესახებ პროკურატურის საგანგებო ბრიფინგზე გახდა ცნობილი.