ექსპერტი კახა კახიშვილი მიიჩნევს, რომ პროკურატურა საქართველოს ყოფილ პრეზიდენტს სამომავლოდ კიდევ წარუდგენს გარკვეულ საქმეებზე ბრალს:

„მე ვფიქრობ, რომ ესეც არ არის ბოლო ბრალი, რომელიც წარედგინება მიხეილ სააკაშვილს. ალბათ, გარკვეულწილად პროკურატურა ყველა იმ გახმაურებულ საქმესთან დაკავშირებით, სადაც იკვეთება მიხეილ სააკაშვილის მხრიდან დანაშაულის ნიშნები მთელი ციკლის განმავლობაში, იქნება დაკავებული ზუსტად სააკაშვილის ბრალის ფორმულირებით, წარდგენით და ასე შემდეგ“, - განაცხადა კახა კახიშვილმა.

შეგახსენებთ, რომ საქართველოს ექს-პრეზიდენტი მიხეილ სააკაშვილი და შინაგან საქმეთა ყოფილი მინისტრი ვანო მერაბიშვილი დეპუტატ ვალერი გელაშვილის ცემის ფაქტზე სისხლის სამართლის პასუხისგებაში მიეცნენ.

ამის შესახებ პროკურატურის საგანგებო ბრიფინგზე გახდა ცნობილი.