„ნატოს სამიტზე, რომელიც დიდ ბრიტანეთში ოქტომბრის დასაწყისში შედგება, მიიღებენ გადაწყვეტილებას, რომელიც გაზრდის მოკავშირეების მზადყოფნას შესაძლო აგრესიისგან თავდასაცავად.

ეს იქნება ალიანსის გარდამტეხი წერტილი. ნატოს წევრი ქვეყნები მოქმედების გეგმას შეიმუშავებენ, რაც მსოფლიოს შეცვლისკენ იქნება მიმართული“, - ამის შესახებ ფრანგულ „მონსენთან“ საუბრისას ანდერს ფოგ რასმუსენმა განაცხადა.

მან ხაზი გაუსვა იმ ფაქტს, რომ ნატოს სამხედრო ძალები გაფართოვდება, ალიანსმა კი დროული რეაგირება უნდა მოახდინოს ნებისმიერ გამოწვევაზე, როგორც აღმოსავლეთში, ისე დასავლეთში.

„ეს ამბიციური გეგმებია“, - განაცხადა რასმუსენმა. მან ასევე გამოთქვა იმედი, რომ სამიტზე ალიანსის წევრი ქვყნები თავდაცვის ბიუჯეტის გაზრდის გადაწყვეტილებას მიიღებენ.

რასმუსენის აზრით, აღნიშნული გეგემების წყაროს წარმოადგენს კონფლიქტი უკრაინასა და რუსეთს შორის, ასევე უკრაინის აღმოსავლეთში ტერორისტების მოქმედებები, რამაც ბოინგის კატასტროფა გამოიწვია.