ექსპერტი ელენე ხოშტარია სოციალური ქსელის მეშვეობით ვალერი გელაშვილის ცემის ფაქტს ეხმაურება. ხოშტარია „ფეისბუქის“ საკუთარ გვერდზე წერს, რომ გელაშვილის საქმის გამოძიება აუცილებელია:

„ვალერი გელაშვილის ცემის ფაქტი არის ამაზრზენი ფაქტი, საშიში მოვლენა სახელწმიფოსთვის და აუცილებელია მართლაც იყოს გამოძიებული. როგორც მინიმუმ ის, რომ ეს ფაქტი არ იყო გამოძიებული წინა ხელისუფლების დროს არის დიდი შავი ლაქა და ამის გამოძიება აუცილებელია.

საკითხი დღეს დგას ასე: როგორ ვიძიებთ ამ საქმეს (მაგალითად ვინ არიან მოწმეები), როგორი სასამართლო სისტემა განსჯის (მახსენდება მოწმეების კანონის არმიღება, შუაღამეს უადვოკატებოთ მიღებული გადაწყვეტილებები, პრეზიდენტის წარდგენილი კანდიდატურების დაბლოკვა...), რატომ არ ვიძიებთ დღევანდელი ხელისუფლების დროს მომხდარ ცემის და სხვა დარღვევების ფაქტებს (წიკლაური, ვანო მერაბიშვილის გაყვანა...), რატომ შეწყდა გამოძიებები მათ მიმართ ვინც პოლიტიკური ბანაკი შეიცვალა. ეს ყველაფერი ხდება თან ხელისუფლების მხრიდან მთავარ ოპოზიციურ ძალასთან ღია ბრძოლის ფონზე (უნდა განადგურდენ, ფირების გამოგდება სიძულვილის და მითების კულტივირება, 9 წელი და არა 20 წელი მაგალითად, უდანაშაულობის პრზუმფციის დარღვევა).

ჩამოვყალიბდეთ სამართალი გვინდა თუ ბოღმის ამოღება და მაშინ მართლა არ იქნება არავის დასჯის პრობლემა, არც ხვედელიძის, მაგალითად, და არც ნაციონალის ან ლეიბორისტის“, - წერს ხოშტარია.