რა მასალებს ფლობდა შოთა კვირია ზურაბ ჟვანიაზე - რჩეულიშვილი 2002 წელს შეკვეთილ მკვლელობაზე საუბრობს

პოლიტიკა - 14:38, 05 Aug, 2014

2124

„ზურაბ ჟვანია, ბადრი პატარკაციშვილი, სააკაშვილის გუნდი- ყველა მათგანი ჩემთვის პოტენციური მკვლელია - თუ მათ ინტერესებში შედის, ადამიანების სიცოცხლე არაფრად უღირთ“, - ამის შესახებ ვახტანგ რჩეულიშვილი გაზეთ ,,ასავალ-დასავალთან“ ინტერვიუში აცხადებს. რჩეულიშვილი ამბობს, რომ ჟვანიამ 2002 წელს მხედრიონელს მისი მკვლელობა შეუკვეთა.

,,ჩემს თვალწინ განვითარდა მათი კარიერა და კარგად ვიცი, ვინ რას წარმოადგენდა. ზურაბ ჟვანიამ ორჯერ სცადა ჩემი გზიდან ჩამოცილება. 2002 წელს ჩემი მკვლელობა ყოფილ მხედრიონელს, ე.წ გლდანის საძმოს წარმომადგენელს შეუკვეთა, მაგრამ მოვლენებს დავასწარი, დეტალები გავახმაურე და იძულებული გახდა დაეხია, ის რომ დღეს ჟვანიას საქმე არ იხსნება, პოლიტიკურად თამაშის გაგრძელებაა, რადგან პროკურატურამ ყველაზე უკეთ იცის, რა მასალებიც დევს საქმეში“, - აცხადებს რჩეულიშვილ.

ჟურნალისტის კითხვაზე, ხომ არ გულისხმობს ის ჭორებს, რომელზეც სააკაშვილიც აპელირებდა, რჩეულიშვილი პასუხობს, რომ ,,ეს ჭორი არ იყო“.

,,ამის შესახებ ყველამ ყველაფერი იცოდა, მათ შორის, შევარდნაძემაც და მისი ოჯახის წევრებმაც. ამიტომაც, ეს სრიოზული ბარიერია იმისთვის, რომ ჟვანიას საქმე გაიხსნას. ცხადია, არც ოჯახს ესიამოვნება ამ ფაქტების გამომზეურება. 2003 წელს პარლამენტში ჟვანიას მხარდამჭერები თავს სწორედ იმიტომ დამესხნენ, რომ ჰომოსექსუალისტად მოვიხსენიე. სხვათაშორის, ედუარდ შევარდნაძეს ჟვანიას შესახებ შოთა კვირაიამ მიაწოდა ინფორმაცია - ჟვანიას ჰომოსექსუალისტობის დამადასტურებელი ფაქტები არსებობსო. მოგვიანებით შოთა კვირაიამ ჩემთან საუბარში აღნიშნა, - იმავე საღამოს დარეკა ჟვანიამ, - როგორ იქცევი, რა მასალებს აწვდი ედუარდს, არ იცი, რომ ედუარდი ვერაფერს მიზამს, სადაც გინდათ იქ გამოაქვეყნეთ, მთელი ევროპა მე დამიჭერს მხარსო. მართალია, მკვლელობას ვერ გაამართლებს ის რომ ადამიანი ჰომოსექსუალისტი შეიძლება იყოს, მაგრამ მისი ეს სუსტი წერტილი კარგად გამოიყენეს“,-განაცხადა ვახტან რჩეულიშვილმა „ასავალ დასავალთან“ საუბრისას.