საპარლამენტო უმცირესობის წევრი ზურაბ ჯაფარიძე ვალერი გელაშვილის ცემის ფაქტზე მიხეილ სააკაშვილისა და ვანო მერაბიშვილისთვის ბრალის წარდგენის ფაქტს ეხმაურება. მისი თქმით, აღნიშნული საქმე პოლიტიკურად მოტივირებული და ეს პრემიერს უკვე დაანონსებული ჰქონდა.

“ცხადია, ეს საქმეც არის ცალსახად პოლიტიკურად მოტივირებული და ამაში ეჭვი არავის ეპარება. ამაზე საუბრობს ძალიან ბევრი ჩვენი პარტნიორი დასავლეთში. მეორე საკითხია ის, რომ როდესაც პრემიერი ამას აანონსებს, ეს ნიშნავს, რომ მას აქვს ინფორმაცია, რაც ცუდია და კანონის დარღვევაა”, - განაცხადა ზურაბ ჯაფარიძემ.

საქართველოს ექს-პრეზიდენტი მიხეილ სააკაშვილი და შინაგან საქმეთა ყოფილი მინისტრი ვანო მერაბიშვილი დეპუტატ ვალერი გელაშვილის ცემის ფაქტზე სისხლის სამართლის პასუხისგებაში მიეცნენ.