ბადრი პატარკაციშვილთან დაკავშირებულ საქმეზე უშიშროების ყოფილი მინისტრი ვალერი ხაბურძანია კომენტარს აკეთებს. ამის შესახებ ხაბურძანია „ალიასთან“ საუბრობს:

„ის ცდილობდა, ედუარდ შევარდნაძე დაერწმუნებინა, რომ ძალოვანი მინისტრები ცუდები იყვნენ და ცვლილებები უნდა განხორციელებულიყო. ამის შემდეგ მე მოსკოვში ვიკითხე ბადრის ამბავი... მას რაღაც პრობლემა ჰქონდა, ორმაგი მოქალაქეობა მიიღო კანონის გვერდის ავლით, ეს კომპრომატი მე მქონდა და შემეძლო, გამომეყენებინა. ჯერ შევარდნაძეს ვკითხე: ეს კაცი რაღაცებს აკეთებს ჩვენს წინააღმდეგ , ძალოვნების წინააღმდეგ მოქმედება თქვენც გირტყავთ, ამაზე რას იტყვით-მეთქი? რა ვიცი, რა უნდა ვთქვა, მე მგონი, ეგ კაცი პუტინის ახლობელიაო. მე ვუთხარი, არა მგონია-მეთქი, არა, ერთხელ პუტინს რომ შევხვდი, პირდაპირ მითხრა: „კაკ ტამ ნაშ ბადრი“ - ო? შეიძლება ეს ირონიულად ეთქვა, ცინიკურად მეთქი? მერე მივხვდი, შევარდნაძე თავს იშტერებდა, თოთქოს თავადვე უნდოდა, რომ ბადრი პუტინის კაცი ყოფილიყო“, - აცხადებს ხაბურძანია.